Sharing

尋日係我18歲嘅生日，而今日係我嘅浸禮日，感謝 神賜我一個好嘅天氣，俾我渡過人生另一個階段。 由細到大，我係冇任何信仰，因為當時我覺得神與我嘅距離好遠。直到 2022年，喺加拿大冇屋企人、冇親友、冇身份嘅情況下自己一個嚟到溫哥華讀中學，嗰陣時咩都唔識，買嘢搭車都搞到一舊雲。心入邊經常覺得煩躁，缺乏咗心靈寄托。喺神嘅安排下就學識咗點樣面對孤單。 喺2024年期間，有好多嘅弟兄姊妹問我幾時去受浸，但係我一直覺得我自己未準備好，直至我聽到一首詩歌《最好的福氣》，其中幾句「但你總看顧，樂意攙扶，愁悶慨嘆變作歡呼」就感動到我要決志祈禱。 掙扎咗差唔多一年半，我先決定受浸成為基督徒。而因為需要準備去多倫多約克大學修讀社工系，經過今日受浸之後，好遺憾冇得再同各位BCPC嘅弟兄姊妹繼續同行。無論前路難行，我相信 神嘅安排下會帶領每一個人走向光明嘅道路。 陳洛希的浸禮見證 2025年6月1日 Yesterday was my 18th birthday, and today is my Baptism Day, thanks the Lord for the good weather as I step through another phase of my life. Growing up, I didn’t have any belief because I felt that God was far away from me. Then in … Continue reading Geoffrey’s Baptism Testimony →